Dîyarbekir de yew aktîvîteya edebîyatî ya taybete ameye organîzekerdiş. Na aktîvîte ke nameyê xo Programê Wendişê Şîîran bî, bi beşdarbîyayîşê şaîr Mehemed Malmîsanij û muzîsyen Kerem Sevînçî virazîyaye. Program, 25 tebaxe 2018 de (roja şemeyî) saete 17:00 de, kafeya Bezgîn Bekîr ke Bulvara Mehabadî ser o ca gêna de dest pêkerd.

Programî de verê Mehemed Malmîsanijî da-pancês şîîrê xo yê kirmanckî wendî. Muzîsyen Kerem Sevînçî zî bi deyîranê xo reng da atmosferê sînayoxanê kirmanckî. Goşdarîkerdoxê ke zafêrê xo ciwan bîy, bi şîîranê Malmîsanij û melodîyanê Sevînçî zerrîzîz bîy û wextêko weş vîyarna. Programo ko yew saete ra zêdeyêr ramit dima M. Malmîsanijî kitabê xo îmza kerdî.

Malmîsanijo ke verê sey ziwanzan û tarîxnas yeno vîrê kurdan, eynî wext de nuştox, açarnayox û şaîr o. Ziwanan û babetanê cîya-cîyayan de gelek kitab û xebatê ey yê weşanîyayê estê. Şîîrê ke ey nê programî de wendî, kitabê ey yê şîîran Herakleîtos o ke serra 1988î de Swêd de weşanîyayo de neşir bîyê. Mamosta Mehemed Malmîsanij, Dîyarbekir de ronişeno û kadroyê beşê Kurdololojî yê Unîversîteya Artûklûyî ya Mêrdînî de dersan dano wendekaranê lîsans û yê masterî.

Bo temaşekirina vîdeoyê bitikîne.

Xebere: Mutlu CAN