AWIR,awir

AWIR

A+ A-

Awir, kurteçîroka hêrsa me ye.
Awir, vîzyon û mîsyona me ye.
Awir, awiravêtina me ye.
Awir, hinek jî êşa me ye.
Êşa me bi dawî bû û me awirê xwe avêt cîhana sînemayê.
Me dil heye em cîhana sînemayê bi zimanê Kurdî bixemilînin.
Belkî li cîhanê civaka ku herî zêde medya civakî bikartîne Kurd in. Lê di medya civakî de ciyê Kurdî qels û kêm e. Kurd bi zimanê biyanî hatine dorpêç kirin mixabin û malperên ku jê sûd werdigerin zafekî wan bi zimanên biyanî ne. Elbet zimanên biyanî ji bo me dewlemendiyeke û bivê nevê ye, lê zimanê me jî ji bo me girîng e. Divê em zimanê xwe jî di jiyanê de bikarbînin û lê xwedî derkevin. Ev xebat hinek jî bi vê mabestê hatiye dest pê kirin. Ev malper fêkiya birîna zimanê me ye. Dîsa li hember bişaftinê jî helwestek çandî û hunerî ye ev xebat. Her çand bi zimanê xwe xweş e, her huner bi zimanê xwe û bêjeyên xwe watedar dibe. Me jî xwest em çand û hunera xwe bi zimanê xwe watedartir bikin û rêzimanekê ji bo sînemaya Kurd amade bikin. Em di vê baweriyê de ne ku ev malper valahiyeke sînemaya Kurd tije dike. Em bangawaziya li hemû sînemager, temaşevan, derhêner, senaryonûs, lîstikvan û kedkarê sînemayê dikin ku armanca vê malperê fêhm bikin û di tijekirina vê valahiyê de ew jî ciyên xwe bigirin.
Êdî malpera Awir amade ye. Bi sedan fîlm û video li pêşberî we ne. Fîlmên Kurd yên ku heta niha nehatine weşandin jî di malperê de ciyê xwe digirin. Bi sedan kurtefîlm, belgefîlm û metredirêj dê di malperê de hebin. Kesên bixwazin dê bikaribin fîlman bi jêrnivîsên Kurdî temaşe bikin. Ji bo jêrnivîsan jî Awir malpera yekemîn e ku fîlman bi jêrnivîsên Kurdî diweşîne. Hewcedariyek wisa li ber çavan bû. Ji bo sînemaya Kurd û rêzimana sînemayê pêşda here diviyabû xebatek bi vî rengî were destpêkirin. Awir, ji bo sînemaya Kurdan pêngavek bi wate ye. Awirek bi wate ye ev malper. Ji lewre jî pêwîst e hemû sînemahez li vê malperê xwedî derkevin û biparêzin. Hêvî û daxwaza me ji xwîner û temaşevanên me ev e.
Em tev dizanin Awir, carna dibe nasnameya mirov. Her kes xwedî awirek e. Her awir nîşaneyeke ji bo me. Carna hemû tiştên ku em dixwazin bibêjên di awirekî de dicive. Ew awir me dibêje, çîrok û hêrsa me tîne ziman. Malpera Awir jî nasnameya me ye û bi zimanê me ye. Ji bo em awirên xwe tûjtir bikin pêwîst e em li malpera Awir xwedî derkevin û pêşde bibin. Dîsa divê neyê jibîrkirin ku Awir, beriya her tiştî malpereke hevpar e, dibe ku destpêk bi çend kesan destpê kiribe lê ji îro şûnde her kesê/a bixwaze dikare çeperê awirê firehtir bike û ji bo awirê ked bide. Kesên dixwazin werger bikin dikarin bi malperê re têkevin têkiliyê û wergeran ji malperê re bişînin. Ji bo ev kar bi hêsanî pêk were me di malperê de vebijêrkek jî amade kiriye. Bi riya vê vebijêrkê dê têkilî hêsantir be û werger jî bi leztir be. Ji ber ku wextê me tune ye. Karên sînemaya Kurd yên dîtir li benda me ne. Em karê îro nehêlin ji bo sibê. Emê li benda we û wergerên we bin.
Da ku nebêjin Kurd bê Awir in!
Çavên me hemûyan ronî be.
Awirên me zindî bin.
Werin em bi hev re awirên xwe tûj bikin ji bo sînemayê.
De haydê hûn jî piştgirî bidin malpera awirekê.

Malpersaz: Ferhat Baysal (Di destpêkê de kesê ku malpera awirekê amede kir)
Malper: www.awirek.com
Email: info@awirek.com
Medyaya civakî: @awirek_com


Etiketler :

NÛÇEYÊ ŞÎROVE BIKE

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.