1. Tekst

  2. Helbest

  3. Brahîm Mehmûd
  4. Tirs – Brahîm Mehmûd
Tirs – Brahîm Mehmûd,tirs,brahîm,mehmûd

Tirs – Brahîm Mehmûd

A+ A-

Ez ditirsim ji xwe
Didtirsim ji te
Ditirsim ji we
Ditirsim ji ewan
Tu ditirsî ji xwe
ditirsî ji min
ditirsî ji me
ditirsî ji ewan
em ditirsin ji hev
ditirsin ji wî
ditirsin ji wê
ditirsin ji ewan
ditirsin ji hev
ew ditirsin ji min
ditirsin ji te
ditirsin ji me
ditirsin ewan
ez ditirsim jidayikbûna xwe
ditirsim ji jiyana xwe
ditirsim ji gotina xwe
ditirsim ji sîbera xwe
ditirsim ji xewa xwe
ditirsim ji mirina xwe
ditirsim ji navê xwe
ji jîngeha xwe
ditirsim ji stranên xwe
ji xaka xwe
ji zimanê xwe
ditirsim ji xwe
weku min got
ew ne ji xwe
ji xwe ez ditirsim ji xwe
Em hemî ditirsin ji xwe
Ji xwe em bi tirsin
Ji slava xwe em bi tirsin
Ji aşîtiya xwe em bi tirsin
Ji rikberiya xwe em bi tirsin
Ji zarwê xwe em bi tirsin
Ji xizana xwe em bi tirsin
Ji mirovên xwe em bi tirsin
Ji dîtinên xwe em bi tirsin
Ji bêdengiya xwe em bi tirsin
Ji dûrbûna xwe em bi tirsin
Ji serdanên xwe em bi tirsin
Ji berpirsên xwe em bi tirsin
Ji hevalê xwe em bi tirsin
Ji xwedayê xwe em bi tirsin
Ji rêberê xwe em bi tirsin
Ji nivîsiyên xwe em bi tirsin
Ji saxên xwe em bi tirsin
Ji miriyên xwe em bi tirsin
Ji baweriên xwe em bi tirsin
Ji cil û bergên xwe em bi tirsin
Ji pêlava xwe em bi tirsin
Ji kenê xwe em bi tirsin
Ji giriyê xwe em bi tirsin
Ji navnivîna xwe em bi tirsin
Em ji tirsa xwe bi tirsin
Tirsek ji pêş yek ji paş
Tirsek ji banî yek ji binî
Tirsek diyarkirî yek nehênî
Tirsek bi deng yek bê deng
Tirs….Tirs….Tirs…Tirs
Tirsek mizeloqî
Tirsek zuha
Tirsek heşk
Tirsek tûj
Tirsek giran
Tirsek sivik
Tirsek bê hempa
Li her derê tirs
Tirsek ber bi çav
Tirsek bi bêhn
Tirsek dijwar
Tirsa welêt
Welatê tirsê
Tirsa jiyan
Jiyana tirsê
Em ji tirsê çêbûne
Em bi tirsê çêbûne
Em ji tirsê re çêbûne
Em ê bi tirsa xwe biçin
Em di rirsa xwe de dertên
Em hemî tirsin
Em zimanê tirsê ne
Em adrêsa tirsê ne
Lewra xwe li me digrin
Çimkî me tirs hişitiye para xwe
Eger hûn ne tirsin
Tirsa xwe bi nav bikin
De bipirsin!

08.06.2018 Duhok


Gotinên miftehî :